اسلام آباد(این این آئی)پاکستان میں فورتھ جنریشن سروسز فراہم کرنے والی نمایاں ٹیلی کام کمپنی زونگ نے اپنی 4G سروسز کا دائرہ کار 100 شہروں تک بڑھا دیا ہے۔اس پیش رفت سے زونگ نے ایک مرتبہ پھر یہ ثابت کر دیا ہے کہ وہ پاکستان کا جدید ترین اور تیزی سے پھیلتا ہوا نیٹ ورک ہے ۔اس موقع پر مسرت کا اظہار کرتے ہوئے زونگ کے ترجمان اور ڈائریکٹر کارپوریٹ افیئرز مسٹر ماہم درد کا کہنا ہے کہ پاکستان کے 100 شہروں میں بہترین 4G سروسز کی فراہمی زونگ کیلئے قابلِ فخر امر ہے۔ ہم 4G سروسز کی فراہمی کیلئے پاکستان میں سرمایہ کاری کے اس سلسلے کو بھر پور انداز میں جاری رکھیں گے تاکہ ہمارے صارفین بلا تعطل بہترین اور تیز ترین سروسز سے استفادہ کرتے رہیں۔ہم امید کرتے ہیں کہ ہمارے صارفین بہت جلد مزید 100 شہروں میں زونگ کی جدید ترین سروسز استعمال کرسکیں گے۔واضح رہے کہ زونگ وہ واحد ٹیلی کام کمپنی تھی جس نے 2014 میں پی ٹی اے کے تحت منعقد کرائے جانے والے آکشن میں 3G اور 4Gدونوں لائسنس حاصل کیے ۔کمپنی نے پاکستان بھر میں محض 4G نیٹ ورک کی توسیع کیلئے 250 ملین ڈالر سے زائد کی خطیر رقم خرچ کی ہے جس سے نہ صرف مقامی معیشت کو فائدہ پہنچا ہے بلکہ ملک کے آئی سی ٹی سیکٹر کوفروغ ملا ہے۔یہی وجہ ہے کہ پاکستان کا ٹیلی کام سیکٹر ملک کے تیزی سے ترقی کرتے ہوئے سیکٹروں میں سے ایک بن گیا ہے۔یہاں یہ بات قابلِ ذکر ہے کہ پی ٹی اے کی جانب سے گزشتہ دنوں کرائے جانے والے غیر جانبدارانہ سروے کے مطابق زونگ کوالٹی اور تیز ترین سروسز کے حوالے سے سرِ فہرست تھا۔ زونگ کی ہمیشہ سے یہ کوشش رہی ہے کہ عام افراد کو ٹیلی کام کی بہترین سروسز فراہم کرتے ہوئے ان کے معیارِ زندگی کو بہتر بنایا جائے۔اس مقصد کے تحت زونگ نے متعدد نوعیت کے کال اور انٹر نیٹ کے پیکجز متعارف کرائے ہیں۔حال ہی میں زونگ نے ہائر ایجوکیشن کمیشن کے ساتھ معاہدہ کیا ہے جس کے تحت ملک بھر کے طلباء و طالبات اورمتعدد یونیورسٹیوں کوتیز ترین4G سروسز فراہم کی جائیں گی۔