ریاض (مانیٹرنگ ڈیسک)سعودی مفتی اعظم شیخ عبدالعزیز بن عبداللہ الشیخ مشکلات کا شکار پاکستانیوں کی داد رسی کیلئے میدان میں آگئے،تمام کمپنیوں کو ملازمین کے واجبات فوری ادا کرنے کی ہدایت کردی۔
تفصیلات کے مطابق مفتی اعظم سعودی عرب نے مملکت میں پھنسے پاکستانیوں ودیگرغیر ملکی ملازمین کے حق کیلئے آواز بلند کرتے ہوئے کہا ہے کہ کمپنیوں کے ذمے داران کارکنوں کی ادائیگی میں تاخیر نہ کریں اور جلد ازجلد کارکنوں کی تنخواہیں ادا کی جائیں۔خیال رہے کہ اس وقت سینکڑوں پاکستانی سعودی عرب میں تنخواہوں کی عدم ادائیگیوں اور اقامہ نہ دیئے جانے کے باعث انتہائی مفلوک الحالی کی زندگی بسر کررہے ہیں اور کیمپوں میں محصور ہیں اس سلسلہ میں پاکستانی و سعودی حکومتوں کی جانب سے مختلف اقدامات اٹھا ئے جانے کے دعوے سامنے آرہے ہیں تاہم تاحال کو ئی ایسی صورتحال سامنے نہیں آئی جسے حقیقی داد رسی کہا جا سکے۔جبکہ اس سے پہلے پا کستان نے اعلا ن کیا تھا کہ سعو دی عر ب میں پھنسے پا کستا نیو ں کو امداد دی جا ئے گی اور ذرائع نے بتا یا ہے کہ حکو مت کی طر ف سے سعودی عر ب میں پھنسے پا کستانیو ں کے گھر والو ں کے امداد دینا شروع کر دی ہے ۔