لندن (این این آئی)پاکستان کرکٹ ٹیم کے کپتان مصباح الحق نے کہا ہے کہ وہ لارڈز میں سکور کی گئی اپنی پہلی سنچری اپنی بیوی کے نام کرتے ہیں کیونکہ وہ ان کو سپورٹ کرنے کیلئے یہاں موجود ہیں۔
لارڈز ٹیسٹ کے پہلے دن کھیل کے اختتام کے بعد پریس کانفرنس میں پاکستانی کپتان نے کہاکہ آج کی اننگز ان کی زندگی کی سب سے بہترین اننگز تھی جسے وہ اپنی بیوی کے نام کرتے ہیں کیونکہ وہ ان کے بہتر پرفارمنس کیلئے روزہ رکھتی ہیں اپنی سنچری کی خوشی میں پش اپس نکال کر منانے کے بارے میں مصباح نے کہاکہ کھلاڑیوں کے لیے لگائے فٹنس کیمپ میں آرمی ٹرینرز سے انھوں نے وعدہ کیا تھا کہ اگر وہ سنچری بنائیں تو گراؤنڈ میں پش اپس نکال کر انھیں خراج تحسین پیش کریں گے۔