لاہور (مانیٹر نگ ڈیسک) پاکستان کرکٹ بورڈ نے قومی ٹیم کے سابق کپتان شاہد آفریدی کی جانب سے حالیہ متنازع بیان پر ان سے وضاحت طلب کرنے کا فیصلہ کرلیا ہے۔تفصیلات کے مطابق اعلی پی سی بی حکام شاہد آفریدی کے بی بی سی کے دیئے گئے انٹر ویو میں کی گئی کچھ باتوں پر بہت ناراض ہیں جس کے بعد کرکٹ بورڈ نے ان سے اس انٹرویو پر وضاحت طلب کرنے کا فیصلہ کیاہے۔یاد رہے کہ شاہد آفریدی نے بی بی سی کو دیئے گئے انٹر ویو میں کہا تھا کہ پی سی بی میں بھی بہت کچھ ٹھیک ہونے والا ہے تاہم وہ ابھی کچھ نہیں بول سکتے ورنہ انہیں نوٹس آجائے گا۔‎