پیانگ یانگ(مانیٹرنگ ڈیسک)امریکہ اور جنوبی کوریا کی جانب سے میزائل کے جدید دفاعی نظام کی تعیناتی پر رضامندی کے اعلان کے بعد شمالی کوریا نے اس کے خلاف طبعی رد عمل کی دھمکی دی ہے۔ میڈیا رپورٹ کے مطابق امریکہ اور جنوبی کوریا نے کہ اکہ ٹرمینل ہائی الٹی چیوڈ ایریا ڈیفنس (ٹی ایچ اے اے ڈی) نظام صرف پیانگ یانگ کی جانب سے خطرے کے جواب کے لیے ہوگا۔دوسری جانب شمالی کوریا کے سرکاری میڈیا میں فوج کا ایک بیان سامنے آیا جس میں فوج کی جانب سے بے رحم جوابی کارروائی کی بات کہی گئی ۔یاد رہے کہ گذشتہ ہفتے جب امریکہ نے شمالی کوریا کے رہنما کم جونگ ان پر پابندیاں عائد کیں تو پیانگ یانگ نے اسے جنگ کا کھلا اعلان قرار دیا۔ٹی ایچ اے اے ڈی نظام کے اعلان کے ایک دن بعد شمالی کوریا نے اپنے مشرقی ساحل سے دور ایک آبدوز سے ایک بلیسٹک میزائل کا تجربہ کیا تاہم جنوبی کوریا کا کہنا ہے کہ وہ تجربہ ناکام رہابہر حال ابھی یہ معلوم نہیں ہے کہ یہ دفاعی نظام کہاں تعینات کیا جائے گا اور اس کا کنٹرول کس کے پاس ہوگا۔شمالی کوریا کے آرٹیلیری بیورو کے بیان میں کہا گیا کہ جیسے ہی جنوبی کوریا میں ٹی ایچ اے اے ڈی نظام کی تعیناتی کے مقام کا پتہ چلے گا اس کا طبعی جواب دیا جائیگا جبکہ امریکہ اور جنوبی کوریا کا کہنا ہے کہ شمالی کوریا کی جانب سے بڑھتے خطرات کے پیش نظر یہ ضروری ہے کیونکہ اقوام متحدہ کی جانب سے پابندیوں کے باوجود پیانگ یانگ نے کئی میزائل کے تجربے کیے اور جنوری میں چوتھا جوہری تجربہ کیا۔