اسلام آباد (نیوز ڈیسک) ایوان بالا کے ارکان ایک بار پھر ماڈل ایان علی کا ذکر کرتے رہے۔ منگل کو اجلاس کے دور ان کالجز اف پاکستان انسٹی ٹیوٹ آف فیشن ڈیزائن بند کرنے سے متعلق سینیٹر جاوید عباسی نے توجہ دلاﺅنوٹس پر کہا کہ پاکستان کی جتنی بھی ماڈلز ہیں وہ اسی کالج میں پڑھی ہے ۔اس موقع پر سینیٹر الیاس بلور نے کہاکہ ماڈل ایان علی بھی اسی کالج سے نکلی ہے ۔جس پر وزیر مملکت شیخ آفتاب احمد نے کہاکہ اگرایان علی یہاں سے نکلی ہیں تو پھر اس کالج کا بند ہونا بنتا ہے ،الیاس بلوراور شیخ آفتاب کے سوال و جواب پر سینٹ میں قہقہے بلند ہوتے رہے۔