دبئی(نیوز ڈیسک)پاکستان سپر لیگ کے 19ویں میچ میں پشاور زلمی نے کراچی کنگز کو 5وکٹس سے شکست دے دی۔کراچی کنگز نے ٹاس جیت کر پہلے بیٹنگ کا فیصلہ کیا اورپشاور زلمی کو جیت کیلئے 153رنز کا ہدف دیا۔ہدف کے تعاقب میں پشاور زلمی نے 18.3اوورز میں 5کھلاڑیوں کے نقصان پر 158رنز بنا کر جیت کو اپنے نام کرلیا۔بریڈ ہوج 45گیندوں پر 6چھکوں اور 6چوکوں کی مدد سے 85رنز بنا کر ناٹ آؤٹ رہے، جم ایلن بے نے 31، ڈیوڈ میلن نے8، کپتان شاہد آفریدی نے 5اور محمد حفیظ نے 4رنز اسکور کیے، کامران اکمل 11کے اسکور پر رن آؤٹ ہوئے جبکہ ڈیرن سیمی 11رنز کے ساتھ ناٹ آؤٹ رہے۔کراچی کنگز کے بلاول بھٹی نے 2جبکہ محمد عامر اور اسامہ میر نے ایک ایک وکٹ حاصل کی۔