کراچی(این این آئی)محکمہ تعلیم سندھ نے ٹیچنگ اور نان ٹیچنگ اسٹاف کے لیے چہریکی شناخت سیرجسٹریشن لازمی قرار دیدی ہے۔
محکمہ تعلیم کے مطابق جون اور جولائی کے دوران ٹیچنگ اور نان ٹیچنگ اسٹاف کی چہرے کی شناخت کے ذریعیرجسٹریشن کی جائے گی،جبکہ اگست سے تمام ملازمین کے لیے روزانہ ان اور آئوٹ حاضری لگانا لازمی ہوگا۔محکمہ تعلیم سندھ نے خبردار کیاکہ مقررہ مدت میں رجسٹریشن نہ کروانیوالے ملازمین کی تنخواہیں روک دی جائیں گی،حاضری کا نیا سسٹم براہِ راست اے جی سندھ ٹریژری سے منسلک ہوگا۔
اعلامیے کے مطابق ایک ماہ میں دو سے زائد چھٹیاں اضافی شمارکی جائیں گی،جبکہ تاخیرسے آنے یاغیرحاضری کی صورت میں تنخواہ سے خودکار کٹوتی بھی کی جائے گی۔محکمہ تعلیم سندھ نے ہدایت کی ہے کہ ملازمین تنخواہ کی کٹوتی سے بچنے کیلیے وقت پررجسٹریشن اور حاضری لگانا یقینی بنائیں۔
