اسلام آباد(نیوزڈیسک)بالی ووڈ کی موسٹ اسٹائلش اداکارہ سونم کپور نے کہا کہ میں عامر خان کی دل سے عزت کرتی ہوں اور ان کی جانب سے اپنی حوصلہ افزائی کے لیے بے تاب رہتی ہوں۔بالی ووڈ اداکارہ سونم کپور نے فلمی کیرئیر کا آغاز 2007 میں ریلیز ہونے والی فلم ”ساوریا“ سے کیا جس کے بعد وہ انتھک محنت اور جاندار اداکاری کے سے انڈسٹری میں نام بنانے میں کامیاب ہوئیں جب کہ انہوں نے اپنے کیرئیر میں اب تک متعدد اداکاروں کے ساتھ اداکاری کے جوہر دکھائے ہیں جس میں سلمان خان سمیت دیگر اداکار شامل ہیں تاہم وہ انڈسٹری کے مسٹر پرفیکشنسٹ عامر خان کی جانب سے ہمیشہ حوصلہ افزائی کے لیے بے تاب رہتی ہیں۔اداکارہ سونم کپور کا اپنے انٹرویو میں کہنا تھا کہ عامر خان کا دل سے احترام کرتی ہوں یہی وجہ ہے کہ میری فلم ”راجھنا“ کی ریلیز کے موقع پر عامر خان نے ٹوئٹ کرکے میری حوصلہ افزائی کی تھی جس کے باعث میری زندگی بدل گئی جبکہ اب ایک بار پھر میری نئی فلم ”نیرجا“ آنے والی ہے جس کے حوالے سے مجھے امید ہے کہ عامر خان میری بھر پور حوصلہ افزائی کریں گے۔واضح رہے کہ بالی ووڈ اداکارہ سونم کپور”نیرجا“ میں ایئرہوسٹس کا کردار ادا کریں گی جب کہ فلم اگلے برس ریلیز کی جائے گی۔