واشنگٹن(نیوزڈیسک)امریکی اخبار نے دعویٰ کیا ہے کہ کیلیفورنیا فائرنگ واقعے کے ملزمان تاشفین ملک یا رضوان میں سے کوئی ایک یادونوں ہی کسی غیر ملکی دہشت گرد سے رابطے میں تھے تاہم تاشفین ملک کی بہن نے اس کے عسکریت پسندوں سے کسی قسم کے رابطوں کی تردید کی ہے۔ تاشفین ملک کی امریکا آنے سے قبل 3طرح کی اسکرینگز ہوئی۔کیلیفورنیا کے شہر سان برناڈینو میں دہشت گردی کے واقعے کی چھان بین جاری ہے۔علاقے کی جھیل سے بعض مشتبہ چیزیں برآمدکی گئی ہیں جنکامبینہ طورپرتعلق اس جوڑے سے ہے۔امریکی اہلکاروں کے حوالےسے دعویٰ کیا گیا ہے کہ تاشفین ملک یا اس کا شوہر رضوان،بیرون ملک دہشت گرد سے رابطے میں تھے۔امریکی اخبارکے مطابق اب یہ بات بھی سامنے آئی ہے کہ تاشفین نے کئی برس پہلے انٹرنیٹ پرایک ایسی عبارت لکھی تھی جس کے بارے میں امریکی حکام پہلے جانتے توممکنہ طورپرتاشفین کوویزاہی جاری نہ کیاجاتاتاہم امیگریشن کے موقع پر ملزمہ کے سوشل میڈیااکاونٹ کا جائزہ نہیں لیاگیا۔امریکی اخبار ہی کو انٹرویو میں تاشفین ملک کی بہن فہدہ ملک نے کہا ہے کہ تاشفین انتہا پسند نہیں تھی۔وہ اسے سب سے زیادہ جانتی ہے،تاشفین ملک کے عسکریت پسندوں سے کوئی روابط نہیں تھے۔