بیجنگ(نیوزڈیسک)چین نے ایک اورعالمی سنگ میل عبورکرلیا.چینی کرنسی یوان پہلی مرتبہ عالمی کرنسیوں میں شامل ہو گئی ہے۔تفصیلات کے مطابق عالمی مالیاتی ادارے (آئی ایم ایف) نے چینی یوان کو بھی عالمی کرنسیوں میں شامل کر لیا ہے اوراب ڈالر، یورو ، پائونڈ سٹرلنگ اور ین کیساتھ یوان بھی شامل ہو گیا ہے، اس کو چین کیلئے ایک بڑی کامیابی قرار دیا جا رہا ہے۔میڈیا رپورٹ کے مطابق چین بڑی گلوبل اکنامک پاور کے طور پر اپنی شناخت تسلیم کرانے کیلئے بڑی تگ و دو کر رہا تھا جوآئی ایم ایف کی جانب سے یوان کو اپنی بنچ مارک کرنسی باسکٹ میں شامل کرنے سے پوری ہوگئی ہے۔آئی ایم ایف کے ایگزیکٹیو بورڈ چین کی جانب سے ان کی جملہ شرائط پوری ہونے کے بعد اس پر متفق ہوئے ہیں۔نئے اقدام کے بعد اب یورو کا شیئر گر کر 30.93 فیصد رہ جائیگا، جبکہ پائونڈ اور ین کے شیئر میں بھی کمی ہو گی، تا ہم ڈالر تقریبا ویسا ہی رہیگا اور اس کے حصے میں کمی نہیں ہوگیچین کی کرنسی کے عالمی کرنسیوں میں شمولیت کے پاکستان پربھی اثرات مرتب ہونگے کیونکہ پاکستان میں اس وقت چین بہت زیادہ سرمایہ کاری ہورہی ہے جس کی وجہ سے پاکستان میں جاری اورنئے منصوبوں میں پاکستان کوبھی فائدہ ہوگااورپاکستان کی جوچین کوبرآمدات ہورہی ہیں ان کی قیمتوں میں اضافہ ہوگااوراسی طرح جوپاکستانی چین میں کام کررہے ہیں وہ پاکستان کوزیادہ سے زیادہ زرمبادلہ پاکستان میں بھیجیں گے ۔