ممبئی (نیوز ڈیسک ) بالی ووڈ سٹار شاہ رخ خان اور معروف ڈائریکٹر سنجے لیلا بھنسالی نے بالی ووڈ سٹار امیتابھ بچن کی دیوالی پارٹی میں شرکت کی۔ ذرائع کے مطابق پارٹی میں شرکت کرینوالے حاضرین میں سے بیشتر کا خیال تھا کہ دونوں اپنی فلموں کے ایک ساتھ نمائش کیلئے پیش کئے جانے کے باعث شائد ایک دوسرے سے ہم کلام ہونا پسند نہ کریں تاہم شاہ رہخ خان اور سنجے لیلا بھنسالی نے دیگر شخصیات کی توقعات کے برعکس گرمجوشی سے ایک دوسرے کو گلے لگایا۔ رپورٹ کے مطابق دونوں شخصیات نے خوشگوار ماحول میں تقریبا آدھا گھنٹے تک ایک دوسرے سے گفتگو کی ۔ واضح رہے شاہ رخ خان کی نئی آنیوالی فلم دل والے سنجے لیلا بھنسالی کی باجی راﺅ مستانی کے ساتھ ایک ہی دن نمائش کیلئے پیش کی جائیگی۔