لاہور(آئی این پی) ریحام خان سے علیحدگی اور اداکارہ میرا کی خواہشات کے بعد تحریک انصاف کے چیئرمین عمران خان کی ایک اور امیدوار بے باک اداکارہ سامنے آگئی جس نے سوشل میڈیا پر ویڈیو پیغام کے ذریعے عمران خان کیلئے پیا رکا اظہار کرتے ہوئے عندیہ دیاکہ شادی کے بعد وہ فیس بک اور حتیٰ کہ شوبز بھی چھوڑدیں گی۔اپنے ویڈیوپیغام میں قندیل بلوچ نے کہاکہ ‘عمران خان ، مجھے واقعی آپ سے محبت ہے ، میرے ہوجائو ، میں آپ کو بہت خوش رکھوں گی، آپ کو کبھی چیٹ نہیں کروں گی، آپ کو کبھی دھوکا نہیں دوں گی، بہت پیار دوں گی، پلیز میرا پروپوزل قبول کرلو، پلیز، میں مانتی ہوں کہ ان دنوں آپ تھوڑا ڈسٹرب ہیں کیونکہ ریحام نے آپ کے ساتھ اچھا نہیں کیا، جاتے ساتھ آپ کی برائیاں شروع کردیں کہ آپ یہ کرتے ہیں وہ کرتے ہیں، اس کو یہ کہنا نہیں چاہیے تھا، میں کبھی ایسا نہیں کروں گی آپ جیسا بولیں گے ویسا کروں گی، آپ کیلئے میں شوبز چھوڑ دوں گی، میں سب کچھ چھوڑ دوں گی، فیس بک اور سب کچھ، آپ جیسا بولو گے ویسا کروں گی لیکن ایک دفعہ مجھے رسپانس دو، ایک دفعہ مجھ سے بات کرو،مجھے جلدی نہیں ہے ، آپ وقت لیں لیکن مجھے ڈر لگتا ہے آپ کسی اور سے شادی نہ کرلو۔ عمران خان اگر آپ نے شادی مجھ سے نہیں کی نا تو میں قسم کھا کر کہتی ہوں کہ میں شادی نہیں کروں گی، کسی سے شادی نہیں کروں گی، ساری زندگی، یہ میراآپ سے وعدہ ہے ۔واضح رہے کہ اس سے قبل اداکارہ میرا بھی عمران خان سے شادی کی خواہش کا اظہار کرچکی ہیں۔