ممبئی(نیوز ڈیسک)بولی ووڈ سپر سٹار سلمان خان آجکل اپنی نئی آنے والی فلم ”سلطان “ کی تیاریوں میں مصروف ہیں۔ علاوہ ازیں انکی حال ہی میں نمائش کیلئے پیش کی جانے والی فلم ”پرم رتن دھن پایو“ دنیا بھر میں کامیابیاں سمیٹ رہی ہے۔سپر سٹار تمام تر کامیابیوں کے باوجود کسی نا کسی بنا پر اکثر اوقات متنازعہ شخصیت کے طور پر خبروں کا حصہ بنے رہتے ہیں۔رپورٹ کے مطابق اداکار کی طرف سے کچھ عرصہ قبل انتہاء عاجزانہ انداز میں اعتراف کیا گیا تھا کہ وہ اوسط درجے کے اداکار ہیں ، انکا مزید کہنا تھا کہ سپر سٹار کہلانا اور کامیابیوں کا انکا مقدر بننا صرف انکی اچھی قسمت کے باعث ہے۔49سالہ اداکار آجکل اپنی نئی آنے والی فلم ”سلطان“ میں اپنے کردار کی تیاری کیلئے سخت محنت کر رہے ہیں۔ سلمان خان ”سلطان“ میں ہریا نہ سے تعلق رکھنے والے معروف پہلوان سلطان علی خان کا کردار ادا کر رہے ہیں۔واضح رہے تاحال ”سلطان “ کی ہیروئن کا انتخاب نہیں گیا۔ سلمان خان کی ”سلطان“ آئندہ سال عید کے موقع پر نمائش کیلئے پیش کی جائے گی