اسلام آباد(نیوزڈیسک) قائد حزب اختلاف اور پی پی رہنما خورشید شاہ نے کہا کہ عمران خان اور ریہام کی الگ الگ زندگیوں کیلئے دعا گو ہوں، سیاستدان کا کوئی فعل ذاتی نہیں ہوتا، سیاستدان پبلک پراپرٹی ہوتا ہے،عمران خان کو مشورہ ہے کہ میڈیا سے الجھنے کی بجائے بیرون ملک چلے جائیں۔میڈیا سے گفتگو میں انہوں نے کہا کہ پی ٹی آئی اور ن لیگ کا گراف گر رہا ہے،بلاول نئی پارلیمنٹ میں آئینگے، پی پی میں مانس ون کیوں ہو گا؟ زرداری صاحب رابطے میں ہیں اور بلاول پارٹی چلا رہے ہیں، اب ہم بڑے مشورہ دینگے اور بچے کام کرینگے ۔ ان کا کہناتھا کہ لوگوں نے بلدیاتی انتخابات میںمقبول جماعتوں کے مقابلے میں آزاد امیدواروں کو چنا ہے، پہلے مرحلے کے نتائج دوسرے دونوں مرحلوں پر اثر انداز ہونگے، موجودہ حکومت کا ہونا بلدیاتی انتخابات پر اثر رکھتا ہے۔بلدیاتی انتخابات کے نتائج سے نظر آرہا ہے کہ پی ٹی آئی کی مقبولیت کا گراف گرا ہے ، عوامی تاثر کے باعث پنجاب میں پیپلز پارٹی کے بہت امیدوار آزاد حیثیت سے لڑے۔انہوں نے کہا کہ وزیر اعظم آئین کے مطابق با اختیار ہوتا ہے،
مزیدپڑھیئے:عارف نظامی کے ریحام خان کے بارے میں ایسے انکشافات کہ پوری قوم ششدررہ گئی
اگر وہ بااختیار نہیں بنے گا تو وہ آئین کو کمزور کرے گا، صرف سولین کی گورنننس خراب نہیں ، عدلیہ کی گورننس بھی بہت اچھی نہیں، تمام اداروں میں بہتری ہونے کی ضرورت ہے، ماتحت عدلیہ میں حالات کچھ اچھے نہیں۔
