کراچی(این این آئی)پاکستانی شوبز انڈسٹری کے معروف اداکار و میزبان فیصل قریشی کی اہلیہ ثنا فیصل نے اپنی اور شوہر کی عمر سے متعلق حیران کن انکشاف کردیا۔حال ہی میں فیصل قریشی کی خاتون مداح نے سوشل میڈیا پر اداکار کی اہلیہ سے سوال کیا کہ آپ عمر میں اپنے شوہر فیصل سے کتنی بڑی ہیں؟مداح کے سوال کا جواب دیتے ہوئے ثنا فیصل نے انکشاف کیا کہ وہ اپنے شوہر سے 10 سے 12 سال بڑی ہیں۔
اس کے ساتھ ہی ثنا فیصل نے طنزیہ انداز میں کہا کہ میں امید کرتی ہوں کہ اب آپ کے کلیجے میں ٹھنڈ پڑ گئی ہوگی۔ثنا فیصل کی جانب سے مداح کو دیے گئے جواب کا اسکرین شاٹ سوشل میڈیا کے مختلف پلیٹ فارمز پر تیزی سے وائرل ہورہا ہے۔واضح رہے کہ ماضی میں ایک انٹرویو کے دوران فیصل قریشی نے بتایا تھا کہ انہوں نے سال 2010 میں ثنا سے دوسری شادی کی تھی، اس جوڑی کی ایک بیٹی اور ایک بیٹا ہے۔فیصل قریشی کی پہلی شادی طلاق پر ختم ہوگئی تھی، سابقہ اہلیہ سے ان کی ایک بیٹی حنیش قریشی ہے جس کی عمر 28 سال سے زائد ہے جبکہ وہ پاکستانی شوبز انڈسٹری کا حصہ بھی ہیں۔
