اسلام آباد۔۔۔۔ عالمی منڈی میں تیل کی قیمتوں میں کمی کے باعث یکم جنوری سے ملک میں پٹرولیم مصنوعات کی قیمتوں میں مزید 10 سے 12 روپے فی لیٹرکمی کاامکان ہے۔ذرائع نے بتایاکہ اوگرا آئندہ ہفتے پٹرولیم مصنوعات کی قیمتوں میں ردوبدل سے متعلق کمپیوشن پرمبنی سمری تیارکرکے منظوری کیلئے وزارت پٹرولیم کوبھجوائے گا۔ ذرائع کے مطابق عالمی منڈی میں خام تیل کی فی بیرل قیمت کم ہوکر55.84 ڈالرہوگئی، جس سے توقع ہے کہ یکم جنوری سے ملک میں پٹرول 8 سے10دس روپے فی لیٹر،ایچ اوبی سی 12روپے، ڈیزل 7.50 روپے اورمٹی کا تیل 7روپے فی لیٹرتک سستاہونے کاامکان ہے البتہ حکومت حتمی فیصلہ 31 دسمبرکوکرے گی۔ذرائع کے مطابق توقع ہے اس مرتبہ بھی پٹرول قیمتیں کم ہوں گی،ایک تجویزیہ بھی زیر غورہے کہ صارفین کیلیے قیمتوں میں توکمی کردی جائے مگرٹیکسزکے نفاذکیلیے پٹرولیم مصنوعات کی قیمتیں فکس کردی جائیں اورقیمتوں میں رد و بدل ہوتوٹیکس اسی فکس قیمت کے حساب سے وصول کیے جائیں،اس تجویزکی منظوری سے قیمتوں میں متوقع کمی کی شرح کم ہوجائے گی۔