کراچی (نیوزڈیسک) عیدالاضحیٰ کے پرمسرت موقع پر ریلیز کی گئی پاکستانی فلموں نے میلہ لوٹ لیا۔ ہدایت کار ندیم بیگ اور پروڈیوسر ہمایوں سعید کی نئی فلم ”جوانی پھر نہیں آنی“ نے عید کے تینوں روز کروڑوں روپے کا بزنس کرکے ریکارڈ قائم کیا۔ تمام سینما گھروں میں مذکورہ فلم نے سپرہٹ کامیابی حاصل کی۔ فلم کی کاسٹ میں ہمایوں سعید، مہوش حیات، عائشہ خان، جاوید شیخ، بشریٰ انصاری، واسع چوہدری، سوہائے علی ابڑو اور دیگر نے بہترین پرفارمنس کا مظاہرہ کیا ہے۔ دوسری فلم ہدایت کار کامران اکبر اور پروڈیوسر محمد حنیف میمن کی فل کامیڈی اور میوزیکل فلم ”ہلا گلا“ نے بھی کامیابی حاصل کی اور فلم بینوں کی توجہ کا مرکز بنی رہی۔ فلم کی کاسٹ میں سدہ بتول، عاصم ھود، منیب بٹ، زارا گل، جیسمین، اسماعیل تارا، جاوید شیخ، اشرف خان اور دیگر نے عمدہ کردار نگاری پیش کی۔ فلم کا میوزک بے حد شاندار ہے۔ راحت فتح علی خان، افشاں جواد ساحر علی بگا کے گانوں نے فلم کی کامیابی میں اہم کردار ادا کیا۔ قومی زبان کی فلموں کے علاوہ بھارتی فلم ”کس کس کو پیار کروں“ نے درمیانہ درجے کا بزنس کیا۔ اس مرتبہ فلم بینوں نے بھارتی فلم کے مقابلے میں پاکستانی فلموں کو ترجیح دی ہے۔ اسی طرح سینما مالکان نے بھی پاکستانی فلموں کے شوز زیادہ رکھے ہیں۔ دیگر فلموں میں دو پشتو اور دو پنجابی فلموں کی نمائش کا سلسلہ بھی مختلف سینما گھروں میں جاری ہے ۔ ان فلموں میں گناہ گاہ، آئی لو یو ٹو، ملنگ پہ دعا رنگ، چرتر خانان چرنہ ملنگا شامل ہےن جبکہ دو انگریزی فلمیں ملٹی پیکس سینماﺅں میں ریلیز کی گئیں۔