مکوآنہ(این این آئی)فیصل آباد جڑانوالہ روڈ پر ملبوسات کی لوٹ سیل لگنے پر دکان میدان جنگ بن گیا ۔تفصیلات کے مطابق فیصل آباد کی تحصیل جڑانوالہ میں پسندیدہ ڈیزائن کا لباس پہلے حاصل کرنے کیلئے خواتین میں لڑائی ہوگئی خواتین نے ایک دوسرے سے ہاتھا پائی کی اور سوٹ چھین لئے۔رپورٹ کے مطابق خواتین نے ہاتھا پائی کے بعد اپنے شوہر کو بھی بلالیا جس کے بعد ایک دوسرے پر جوتے مارے، پسند کا سوٹ لینے کیلئے خواتین کی بڑی تعداد صبح سے دکان کے باہر موجود تھی۔ذرائع کا بتانا ہے کہ موقع پر موجود ایک شخص نے معاملے کو ختم کرنے کے لیے فائرنگ کی تاہم یہ لڑائی بڑھتی ہی چلی گئی جس کے بعد لوگوں کو قابو کیا گیا۔مدینہ ٹائون پولیس نے واقعے میں ملوث 6 افراد کو حراست میں لیکر مقدمہ درج کر لیا۔