ممبئی(نیوزڈیسک)بالی ووڈ نگری میں یہ افواہیں گردش کرنے لگی ہیں کہ ہریتیک روشن کی سابق اہلیہ سوزانے خان نے اداکار کے جگری دوست ارجن رام پال سے شادی رچانے کا فیصلہ کرلیاہے۔ہریتیک کی سوزانے خان کے ساتھ 2000ءمیں شادی ہوئی لیکن یہ شادی 14سال تک ہی چل سکی۔دونوں نے مئی 2014ءمیں باہمی رضا مندی سے باندرا کی فیملی کورٹ میں طلاق کیلئے رجوع کرلیا جب کہ عدالت نے نومبر 2014ءمیں طلاق کا فیصلہ دے دیا۔اب بالی ووڈ خبری کا کہناہے کہ سوزانے ہریتیک روشن کے قریبی دوست سے شادی رچانے والی ہیں جبکہ اسی دوست نے دونوں کے درمیان رقیب کا کردار ادا کیا تھا جس کی وجہ سے نوبت علیٰحدگی تک پہنچ گئی۔سوزانے کے بارے میں کافی عرصے سے یہ افواہیں گردش کررہی تھیں کہ اس کے راک آن سٹار ہریتیک کے قریبی دوست ارجن رام پال سے مبینہ تعلقات ہیں لیکن ارجن نے ان افواہوں کی تردید کی تھی اور کہا تھا کہ اس کا سوزانے سے کوئی افیئر نہیں چل رہا بلکہ اس کی بیوی سپر ماڈل مہر جسیکا سے خوب نبھ رہی ہے۔ہریتیک روشن کا تعلق بھی کنگنا راناوت سے جوڑا جارہا تھا لیکن دونوں نے ان خبروں کی تردید کی تھی۔