اسلام آباد (این این آئی)پاکستان تحریک انصاف کے سینئر رہنما فواد چوہدری نے کہا ہے کہ حکومت سپریم کورٹ کا فیصلہ مسترد نہیں کرسکتی، صرف نظرثانی کی اپیل کرسکتی ہے۔وفاقی کابینہ نے عدالت عظمیٰ کے فیصلے کو مسترد کرنے کا اعلان کیا جس پر فواد چوہدری نے ردعمل دیا اور کہا کہ وفاقی کابینہ کا فیصلہ مسترد کرنا غلطی ہے۔انہوں نے کہا کہ سپریم کورٹ ہی اپنا فیصلہ تبدیل کرنے کی مجاز ہے، کابینہ اسے تبدیل نہیں کرسکتی۔پی ٹی آئی رہنما نے تجویز دی کہ شہباز شریف کو چاہیے کہ سیاسی سمجھ بوجھ والے مشیروں سے مشورہ کریں۔فواد چوہدری نے کہا کہ آج آئین کی فتح ہوئی ہے، الیکشن 90 دن میں ہی ہوگا۔