لاہور(پی پی آ ئی) لاہور کی انسداد دہشتگردی عدالت نے عمران خان کی تین مقدمات میں 13 اپریل تک عبوری ضمانت میں توسیع کر دی۔
تفصیلات کے مطابق لاہورانسداددہشت گردی کی عدالت میں جلاوگھیراواورپولیس تشدد کا مقدمہ، عدالت میں عمران خان کی عبوری ضمانت کی درخواست پر سماعت ہوئی۔انسداد دہشت گردی عدالت کے جج اعجازاحمد بٹ رخصت ہونے پر ڈیوٹی جج نے کیس کی سماعت کی۔عدالت نے عمران خان کے تین مقدمات میں عبوری درخواست ضمانت میں 13 اپریل تک توسیع کردی۔وکیل عمران خان کا کہنا ہے کہ عمران خان شامل تفتیش ہوگئےہیں،کچھ سوالات کے جوابات عمران خان نے دیے ہیں۔قبل ازیں عدالت نے عمران خان کی حاضری معافی کی درخواست مسترد کرتے ہوئے پیش ہونے کا حکم دیا تھا۔عدالت نے کہا عمران خان11بجے تک پیش ہوں ورنہ قانون کے مطابق فیصلہ ہوگا، جوعدالت میں آئے گا اسے ریلیف ملے گا۔عمران خان کے ضمانتی مچلکے بھی جمع نہیں ہوئے۔عدالتی حکم پر عمران خان زمان پارک سے عدالت میں پیش ہوئے۔دریں اثنا انسداد دہشت گردی عدالت نے عدم پیروی کی بنیاد پر پی ٹی آئی رہنما حماد اظہر کی عبوری درخوا ست ضمانت بھی مسترد کردی۔
