کیف(این این آئی)یوکرین کے شہر باخموت پر روس کا پرچم لہرا دیا گیا۔روس کے ملٹری گروپ ویگنر نے مشرقی شہر پر قبضے کا دعوی کردیا۔غیرملکی خبررساں ادارے کے مطابق ویگنرسربراہ یوگنی نے ویڈیو پیغام میں کہا کہ کمانڈروں نے باخموت کے سٹی ہال اورمرکز پر قبضہ کرلیا۔جبکہ یوکرین کے صدر زیلنسکی کا کہنا تھا کہ لڑائی اب بھی جاری ہے۔صورتحال خطرناک ہے۔انہوں نے مزید کہا کہ روسی افواج کئی ماہ سے باخموت کا حصار کرنے کی کوششوں میں ہیں ۔میں اپنے فوجیوں کا شکریہ ادا کرتاہوں جو باخموت کیلئے لڑرہے ہیں ۔