مدینہ منور (این این آئی)قومی کرکٹ ٹیم کے کھلاڑی فخر زمان نے مدینہ منورہ سے اپنی تصویر شیئر کردی۔تفصیلات کے مطابق رمضان المبارک کا بابرکت مہینہ آتے ہی پاکستان کرکٹ ٹیم کے کھلاڑی عمرے کی سعادت حاصل کرنے کیلئے پہنچے ۔اس وقت عمرے کی سعادت کیلئے قومی کرکٹر کپتان بابر اعظم، آل راؤنڈر فہیم اشرف سمیت فاسٹ بالر حارث رؤف اور افتخار احمد سعودی عرب میں موجود ہیں اور اب فخر زمان بھی عمرے کی سعادت حاصل کرنے کیلئے سعودی عرب پہنچے اور انہوں نے مدینہ منورہ سے اپنی تصویر بھی شیئر کی ۔اس سے قبل فاسٹ بولر حارث رؤف نے مسجد الحرام سے اپنی ایک تصویر پوسٹ کی جبکہ کپتان بابر اعظم نے بھی مدینہ منورہ سے اپنی تصویر شیئر کی تھی۔