اسلام آباد(این این آئی)نیوزی لینڈ کیخلاف سیریز کیلئے سلیکٹرز اور کپتان نے سر جوڑ لیے، قومی ٹیم کا اعلان منگل کوکیے جانے کا امکان ہے۔ذرائع کے مطابق کیویز کے خلاف سیریز کیلئے کس کھلاڑی کو ٹیم میں شامل کیا جائیگا یا کس کو نہیں، اس ضمن میں حتمی فیصلے کیلئے سلیکٹرز لاہور میں سر

جوڑ کر بیٹھیں گے اور منگل کو اعلان کئے جانے کا اعلان کئے جانے کاامکان ہے ۔ یاد رہے کہ عمرہ ادائیگی کے لیے جانے والی کپتان بابراعظم کی بھی گھر واپس ہوگئی ہے جبکہ پاکستانی ٹیم کے غیر ملکی کوچنگ اسٹاف کی آمد کا سلسلہ بھی پیر سے ہی شروع ہوگی۔پہلے مرحلے میں ہیڈ کوچ گرانٹ بریڈ برن اور بیٹنگ کوچ اینڈریو پیوتک ذمہ داریاں سنبھالنے کے لیے لاہور پہنچ رہے ہیں، ٹیم ڈائریکٹر اور کنسلٹنٹ مکی آرتھر کی لاہور آمد کا دن ابھی تک طے نہیں ہو پایا جبکہ بولنگ کوچ مورنے مورکل کے بارے میں اطلاعات ہیں کہ وہ آئی پی ایل کے بعد اپنی خدمات پیش کریں گے۔ہیڈکوچ بریڈ برن اور بیٹنگ کوچ اینڈریو پیوٹک پی سی بی حکام کے ساتھ سلیکشن کمیٹی اور کپتان بابراعظم سے بھی ملاقات کرکے سیریز کی حکمت عملی ترتیب دیں گے۔قومی ٹیم کے ساتھ ٹیم مینجمنٹ کا بورڈ سربراہ نجم سیٹھی کی منظوری کے بعد اسکواڈ کا باقاعدہ اعلان منگل تک کردیا جائیگا۔ سیریز کی تیاریوں کے لیے کیمپ 7 اپریل سے لگایا جارہا ہے ،سیریز میں معمولی ردوبدل کے بعد شیڈول بھی اسی ہفتے جاری ہوگا۔