کرا چی /لاہور/کو ئٹہ(پی پی آ ئی) رمضان المبارک میں بھی ملک کے مختلف شہروں میں گیس کی لوڈشیڈنگ سے شہریوں کو سحری اور افطاری کے اوقات میں سخت مشکلات کا سامنا ہے۔کراچی، لاہور، کوئٹہ، ملتان، فیصل آباد اور گوجرانوالہ میں گیس لوڈشیڈنگ سے تنگ شہریوں نے مطالبہ کیا ہے کہ کم از کم رمضان میں تو شیڈول کے مطابق گیس دے دیں۔شہریوں کا کہنا ہے کہ اب سحری اور افطار کی تیاری بھی مشکل ہوگئی، سلنڈر پر کھانا پکائیں گے تو اس مہنگائی میں کیسے گزارا کریں گے۔ دوسری جانب وزیراعظم شہباز شریف نے کراچی کے شہریوں کی شکایت پر نوٹس لیتے ہوئے سحر و افطار میں بلاتعطل گیس فراہمی کی ہدایت کر دی ہے۔ واضح رہے کہ کراچی میں گیس لوڈشیڈنگ سے متعلق اجلاس میں وزیراعظم حکام پر برس پڑے اور کہا کہ رمضان میں گیس فراہمی کی جامع حکمت عملی اپنانی چاہیے تھی۔

موضوعات:گیس لوڈشیڈنگ