شارجہ (این این آئی)افغانستان کی ٹی ٹوئنٹی کرکٹ ٹیم کے کھلاڑی گلبدین نائب نے کہا ہے کہ ایک خواب پورا ہوا، اب پاکستان کو تین صفر سے شکست دینے کی کوشش کریں گے۔شارجہ میں میچ کے بعد گفتگو کرتے ہوئے گلبدین نائب نے کہا کہ خواہش تھی کہ پاکستان یا بھارت کو شکست دیں۔انہوں نے کہا کہ ایک خواب پورا ہوا، اب سیریز میں کلین سوئپ کی طرف جائیں گے۔گلبدین نائب نے بتایا کہ شارجہ میں دو ہفتے سے پریکٹس کررہے تھے، پاکستان ٹیم تو دو دن پہلے شارجہ آئی تھی۔انہوں نے کہاکہ پوری ٹیم نے نسیم شاہ کو ٹارگٹ کیا، انہوں نے ایشیا کپ میں ہمیں جیتا ہوا میچ ہروا دیا تھا۔واضح رہے کہ افغانستان نے اتوار کو 3 میچز پر مشتمل سیریز کے کھیلے گئے دوسرے میچ میں پاکستان کو 7 وکٹوں سے شکست دیکر سیریز میں 0-2 کی فیصلہ کن برتری حاصل کرلی۔