کھاریاں(این این آئی)دریائے چناب کے قریب مبینہ پولیس مقابلہ، پولیس کے مطابق کے خطرناک اشتہاری عاطو ساہی اپنے ہی ساتھیوں کی فائرنگ سے ہلاک جبکہ کہ 2 موقع سے فرار ہوگئے، تھانہ صدر گجرات میں مقدمہ درج، تفصیلات کے مطابق ڈی پی او منڈی بہاؤالدین کی
ہدایت پر کٹھیالہ شیخاں پولیس نے ایلیٹ فورس کے ہمراہ مخبر کی اطلاع پر پر دریائے چناب کے کنارے تھانہ صدر گجرات کے علاقہ میں مقدمہ قتل کا اشتہاری ساہی گروپ کا سرغنہ عاطف نواز عرف عاطو ساہی سکنہ ڈھوک نواں لوک منڈی بہاوالدین کو گرفتار کرنے کے لیے ریڈ کیا، جو ملزمان نے پولیس پارٹی کو کو دیکھتے ہی سیدھی فائرنگ شروع کر دی، جو پولیس نے بھی بھی جوابی فائرنگ کی، فائرنگ کا سلسلہ روکنے پر جائے وقوعہ کا ملاحظہ کیا گیا تو وہاں پر عاطف عرف عاطو کو مردہ حالت میں پایا گیا، جس کے پاس پسٹل 30 بور بھی پڑا تھا جو اپنے ہی ساتھیوں کی فائرنگ سے ہلاک ہوگیا، جبکہ بقیہ 2 ملزمان موقع سے فرار ہونے میں کامیاب ہوگئے، تھانہ صدر گجرات نے ایس ایچ او کٹھیالہ شیخاں اعجاز احمد کی رپورٹ پر مقدمہ درج کر لیا ہے۔
