سرکاری اداروں میں نئی بھرتیوں کے خواہشمند امیدواروں کیلئے خوشخبری ،وفاقی حکومت نے حیران کن سہولت فراہم کردی

  اتوار‬‮ 22 ستمبر‬‮ 2019  |  16:45

اسلام آباد (آن لائن) سرکاری اداروں میں نئی بھرتیوں کے خواہشمند امیدواروں کیلئے خوشخبری، وفاقی حکومت نے ایف پی ایس سی کے تحت فائنل امیدواروں کو مزید چھ ماہ کی سہولت فراہم کردی ہے۔کابینہ ڈویژن کی طرف سے سی ڈی اے سمیت تمام وزارتوں اور ڈویژنوں کو خط بھجوادیا گیا ہے۔میڈیا رپورٹس کے مطابق سرکاری اداروں میں نئی بھرتیوں کے خواہشمند امیدواروں کیلئے اچھی خبریہ ہے کہ وفاقی حکومت نے ایف پی ایس سی کے تحت فائنل امیدواروں کو مزید چھ ماہ کی سہولت فراہم کردی ہے۔ بھرتیوں کیلئے ایف پی ایس کو بھجوائے گئے اہل امیدواروں کو ایک سال


کے بجائے 18 مہینوں میں بھرتی کیا جائے گا۔ کابینہ ڈویژن کی طرف سے سی ڈی اے سمیت تمام وزارتوں اور ڈویژنوں کو خط بھجوادیا گیا ہے۔ نئی بھرتیوں سے متعلق مراسلہ چیئرمین سی ڈی اے آفس کو موصول ہوگیاہے۔سرکاری دستاویز میں کہا گیاہے کہ ایسے امیدوار جو بھرتی کے بعد رپورٹ نہیں کرتے انکی جگہ فائنل سنیارٹی لسٹ میں موجود امیدوار کو بھرتی کیا جائے،ایف پی ایس سی کو بھرتیوں کیلئے درجہ بندی کے ساتھ سنیارٹی فہرست بھی بھجوائی جائے۔سی ڈی اے کو ارسال کئے گئے مراسلے میں یہ بھی کہا گیاہے کہ 2019 کے قانون کے مطابق اب حتمی فہرست کے باقی رہ جانے والے افسران کو 18 مہینوں میں بھرتی کیا جائے۔ سی ڈی اے سمیت تمام وزارتیں،ڈویڑنز اور محکمے نئی بھرتیوں کیلئے پہلے سے موجود فائنل امیدواروں کو ترجیح دی جائے۔دستاویز کے مطابق موجودہ قانون کے مطابق ایف پی ایس سی اب ایسے افسران کو ترجیح جو پہلے سے بھرتیوں کیلئے حتمی فہرست میں موجود ہیں۔

موضوعات:

loading...