زینب کے قاتل کی عدم گرفتاری، والد محمد امین نے وارننگ جاری کرتے ہوئے شہباز شریف کو انتباہ جاری کر دیا

  بدھ‬‮ 17 جنوری‬‮ 2018  |  15:57

اسلام آباد (مانیٹرنگ ڈیسک)زینب قتل کی تفتیش پر گہری نظر ہے، تفتیش میں فوج اور ایم آئی حصہ لے رہی ہیں جس پر ہمیں اعتماد ہے، کراچی، اسلام آباد، راولپنڈی، گوجرانوالہ، بھائی پھیرو اور لاہور سمیت ملک بھر سے کہا جا رہا ہے کہ اگر تفتیش سے مطمئن نہیں یا کوئی تعاون نہیں کر رہا تو ایک اشارہ کریں ، آپ کیلئے ہمارا خون بھی حاضر ہے، قصور میں جنسی درندگی کا نشانہ بننےوالی ننھی زینب کے والد کی نجی ٹی وی چینل کے پروگرام میں گفتگو۔ تفصیلات کے مطابق نجی ٹی وی چینل کے پروگرام میں گفتگو کرتے ہوئے قصور


میں جنسی درندگی کا شکار ہونے والی ننھی زینب کے والد محمد امین انصاری کا کہنا تھاکہ زینب قتل کیس کی تفتیش پر گہری نظر رکھے ہوئے ہیں ۔ تفتیش میں فوج اور ملٹری انٹیلی جنس بھی شامل ہیں جن پر ہمیں اعتماد ہے ۔ تفتیش کے دوران جو بھی وسائل اور ٹیکنالوجی ان کے پاس ہے وہ استعمال کر رہے ہیں ۔ محمد امین کا کہنا تھا کہ آپ کو شاید یقین نہ آئے کہ کراچی، اسلام آباد، راولپنڈی، گوجرنوالہ ، بھائی پھیرو، لاہور سمیت ملک بھر سے مجھے کہا جا رہا ہے کہ اگر تفتیش نہیں ہو رہی یا کوئی تعاون نہیں کر رہا تو آپ ایک اشارہ کریں ہمارا خون بھی آپ کیلئے حاضر ہے۔واضح رہے کہ زینب کے والد کی جانب سے یہ بات کل کہی گئی تھی جس کے بعد آج شہباز شریف ہنگامی دورے پر قصور پہنچے جہاں انہوں نے میڈیا ٹاک میں تمام اداروں کی تفتیش میں تعاون پر ان کا شکریہ ادار کرتےہوئے کہا ہے کہ زینب کے قاتل کی گرفتاری کیلئے کوئی ٹائم فریم نہیں دیا جا سکتا تاہم جاری تفتیش کے عمل سے مطمئن ہوں۔

موضوعات:

loading...