اسلام آباد(مانیٹرنگ ڈیسک ) میں بھی بنیاد پرست ہوں، مغرب ممالک اور بھارتی بھی بنیاد پرست ہیں لیکن ہر بنیاد پرست دہشت گرد نہیں اور ہر دہشت گرد بنیادپرست نہیں ہوتا، مجھے کسی کو ثبوت نہیں دینا کہ میں مسلمان ہوں، یہ میرا اور اللہ کا معاملہ ہے، مسلمان ہونے کے لیے نعرہ لگانے کی ضرورت نہیں عمل سے ثابت کریں، ہم اسلام کے اصولوں پر عمل کریں تو دنیا ہمیں

اسلامی ملک کے طور پر پہچانے گی،ان خیالات کا اظہار ترجمان پاک فوج میجر جنرل آصف غفور نے جامعہ کراچی میں طلبہ سے ایک تقریب میں خطاب کرتے ہوئے کیا۔ ڈی جی آئی ایس پی کا کہنا تھا کہ سوویت یونین جب افغانستان آیا تو کہا گیا اس سے اسلام کو خطرہ ہے، امریکا کی مدد سے سوویت کو افغانستان سے نکالا تاہم نائن الیون کے بعد امریکا نے افغانستان پر حملہ کیا، امریکہ سے لڑنے والوں کو وہاں پناہ نہیں ملی تو پاکستان آگئے۔ڈی جی آئی ایس پی آر میجر جنرل آصف غفور کا کہنا تھا کہ ہم نے آپریشن ضرب عضب کامیابی سے مکمل کیا، ہم نے مرحلہ وار اپنے علاقوں سے دہشت گردوں کا خاتمہ کیا اور آج پاکستان میں دہشت گردوں کی کوئی پناہ گاہ موجود نہیں ہے۔اگر میں چاہوں کہ سب لوگ دنیا کو میری نظر سے دیکھیں تو میں بنیاد پرست نہیں انتہا پسند کہلاؤں گا، جب میں دوسروں کو اپنے نظریات ماننے پر مجبور کروں تو تشدد پسند یا دہشت گرد کہلاؤں گا۔ میں مسلمان ہوں، یہ میرا اور اللہ کا معاملہ ہے، مسلمان ہونے کے لیے نعرہ لگانے کی ضرورت نہیں عمل سے ثابت کریں، ہم اسلام کے اصولوں پر عمل کریں تو دنیا ہمیں اسلامی ملک کے طور پر پہچانے گی۔ پاکستان اللہ کا تخلیق کردہ سب سے خوبصورت ملک ہے، اللہ نے اسےدنیا کی ہر نعمت سے نوازاہے یہاں ہر موسم ، پھل دریا ،پہاڑ ،صحرا سب موجود ہیںجغرافیائی

لحاظ سے بھی پاکستان کی اہمیت سب سے زیادہ ہے، کسی بھی ملک کو تباہ کرنے کے لیے اس کی سکیورٹی فورسز کو نشانہ بنایا جاتا ہے۔طلبہ سے خطاب کرتے ہوئے میجر جنرل آصف غفور کا کہنا تھا کہ میری خوش قسمتی ہے کہ جامعہ کراچی آیا ہوں، یہاں آکر لگا کہ خواتین کی یونیورسٹی میں آگیا ہوںکیونکہ یہاں خواتین طلبہ کی تعداد زیادہ ہے۔میں نے جامعہ میں طالبات کا تناسب زیادہ ہونے کی وجہ بھی یونیورسٹی کے وی سی سے پوچھی۔

موضوعات:ترجمان پاک فوج جامعہ کراچی ڈی جی آئی ایس پی آر میجر جنرل آصف غفور