لاہور ٹیکس بار کاانکم ٹیکس گوشوارے جمع کرانے کی تاریخ میں توسیع کیلئے چیئرمین ایف بی آر کو خط

  اتوار‬‮ 26 ستمبر‬‮ 2021  |  15:58

لاہور( این این آئی)لاہور ٹیکس بار ایسوسی ایشن نے انکم ٹیکس گوشوارے جمع کرانے کی 30ستمبر کی مقررہ تاریخ میں توسیع کیلئے چیئرمین فیڈرل بورڈ آف ریو نیو کو خط ارسال کردیا ۔ لاہور ٹیکس بارا یسوسی ایشن کے صدر جمیل اختربیگ کی جانب سے لکھے گئے خط میں کہا گیا ہے کہ انکم ٹیکس گوشوارے ایف بی آر کے آئرس سسٹم (آئی آر آئی ایس) کے ذریعے جمع ہوتے ہیں ۔ٹیکس دہندگان اور ٹیکس کنسلٹنس کی بھرپور کوشش ہے کہ انکم ٹیکس گوشوارے مقررہ تاریخ تک جمع کرادئیے جائیں لیکن ایف بی آر کے سسٹم کی استعداد کار نہ


ہونے کی وجہ سے یہ تمام کاوشیں بے سود ثابت ہو رہی ہیں۔ خط میںمزید کہا گیا ہے کہ مبینہ طو رپر ایف بی آر کا سسٹم 14اگست کو ہیکرز کی جانب سے ہیک کیا گیا اور کئی روز بعد تک یہ جزوی طور پر بحال ہوسکا اور ستمبر کا آخری ہفتہ شروع ہے لیکن ایف بی آر کاسسٹم مکمل بحال نہیں ہو سکا ۔ اس مشکل صورتحال کی وجہ سے ٹیکس دہندگان اور ٹیکس کنسلٹنس کو انکم ٹیکس گوشوارے اور چالان جمع کرانے میںانتہائی مشکلات کا سامنا کرنا پڑ رہاہے ۔ آئر س سسٹم کے بھرپور طریقے سے کام نہ کرنے کی وجہ سے مطلوبہ نتائج نہیں دے رہا جس کی وجہ سے ٹیکس دہندگان اورٹیکس کنسلنٹنس شدید ذہنی اذیت سے دوچار ہیں۔ انہوںنے کہاکہ مذکورہ مشکلات کی وجہ سے انکم ٹیکس گوشوارے جمع کرانے کی شرح انتہائی کم ہے ۔ مطالبہ ہے کہ ٹیکس دہندگان کو اپنے گوشوارے جمع کرانے کیلئے کم ازکم 31دسمبر 2021ء تک کی مہلت دی جائے ۔صدر لاہورٹیکس بار ایسوسی ایشن کی جانب سے لکھے گئے خط کی کاپی اعلیٰ حکومتی شخصیات اورایف بی آر کے دیگر حکام کوبھی ارسال کی گئی ہے ۔


زیرو پوائنٹ

ایک یتیم بچے کی ذمہ داری اٹھا لیں

آج 12ربیع الاول ہے‘ آج کا دن عید ین کے بعد مسلمانوں کی زندگی کا سب سے خوب صورت اور مقدس دن ہوتا ہے‘ پاکستان سمیت پوری اسلامی دنیا میں یہ دن بھرپور شان وشوکت سے منایا جاتا ہے‘ چراغاں ہوتا ہے‘ میلاد کے جلوس نکلتے ہیں‘ شیرینی تقسیم ہوتی ہے‘ درود و سلام کی محفلیں سجتی ہیں اور عاشقان ....مزید پڑھئے‎

آج 12ربیع الاول ہے‘ آج کا دن عید ین کے بعد مسلمانوں کی زندگی کا سب سے خوب صورت اور مقدس دن ہوتا ہے‘ پاکستان سمیت پوری اسلامی دنیا میں یہ دن بھرپور شان وشوکت سے منایا جاتا ہے‘ چراغاں ہوتا ہے‘ میلاد کے جلوس نکلتے ہیں‘ شیرینی تقسیم ہوتی ہے‘ درود و سلام کی محفلیں سجتی ہیں اور عاشقان ....مزید پڑھئے‎