لاہور (نیوز ڈیسک) پاکستان کرکٹ بورڈ نے دورہ زمبابوے کے لیے قومی کرکٹ ٹیم کے کھلاڑیوں کا اعلان کر دیا ۔زمبابوے کے خلاف سیریز میں پندرہ رکنی ٹی ٹونٹی ٹیم میں سرفراز احمد کپتان جبکہ فخر زمان، محمد حفیظ ، شعیب ملک، آصف علی، حسین طلعت، حارث سہیل ، شاداب خان، محمد نواز، فہیم اشرف، حسن علی، محمد عامر، عثمان شنواری ، شاہین آفریدی اور صاحبزادہ فرحان کو بھی شامل کیا گیا ہے۔16 رکنی قومی ون ڈے اسکواڈ میں کپتان سرفراز احمد ، فخرزمان، امام الحق ، محمد حفیظ،

شعیب ملک، آصف علی، حارث سہیل ، محمد نواز، شاداب خان، فہیم اشرف، محمد عامر، جنید خان، عثمان شنواری، حسن علی اور انجری سے نجات پانے والے یاسر شاہ کو نمائندگی دی گئی ہے، انگلینڈ میں انجری کا شکار بابر اعظم کی شمولیت فٹنس سے مشروط ہے ۔قومی ٹیم کا 3 روزہ تربیتی کیمپ 25 جون سے قذافی اسٹیڈیم میں لگے گا۔ میزبان زمبابوے کے علاوہ پاکستان اور آسٹریلیا کے درمیان شیڈول 3 ملکی سیریز کھیلنے کے لیے قومی کرکٹ ٹیم 28 جون کو ہرارے روانہ ہو گی۔