اسلام آباد (این این آئی)سابق ہیڈ کوچ وقار یونس نے پاک انگلینڈ کرکٹ سیریز کے دوران تبصرہ کرنے کیلئے بھارتی ٹی وی سے معاہدہ کر لیا ۔ ذرائع کے مطابق سابق ٹیسٹ کرکٹر وقار یونس نے بھارتی ٹی وی سے معاہد ہ کر لیا ہے جس کے مطابق وہ پاکستان اور انگلینڈ کے مابین ہونے والے میچوں پر تبصرہ کریں گے ۔ذرائع نے بتایا کہ سابق ہیڈ کوچ وقار یونس نے پوری سیریز کیلئے بھارتی ٹی وی سے معاہدہ کیا ہے جس دوران وہ بھارت سے ٹی وی پروگرام میں حصہ لیں گے ۔وقار یونس نے بھی خبر کی تصدیق کر تے ہوئے بتایا ہے کہ اب باہر بیٹھ کر اپنے کھلاڑیوں کو اچھے مشورے دونگا ۔ انہوں نے کہا کہ کرکٹ میرا پیشہ ہے ، کوچنگ کروں یا کرکٹ مبصر بنوں ۔ کرکٹ سے منسلک رہنا اچھا لگتا ہے اور کرکٹ سے زیادہ عرصہ دور نہیں رہ سکتا۔