لاہور( مانیٹرنگ ڈیسک ) کریبین لیگ والے بھی پاکستانی کھلاڑیوں کے ساتھ ہاتھ کر گئے، کریبین لیگ میں شامل ٹیموں کو آئی پی ایل کی بعض فرنچائزر نے خرید لیا ہے جس کی بنا پر پاکستانی کھلاڑیوں کی چھٹی ہو گئی ہے۔کریبین لیگ کے گذشتہ ایونٹ میں پاکستان کے ایک درجن کے قریب کھلاڑیوں نے پاکستان کی نمائندگی کی تھی اس مرتبہ بھارتی مداخلت کی بنا پر پاکستان کے صرف چار کھلاڑیوں کو نمائندگی کا موقع مل رہا ہے جن میں عمر اکمل، شعیب ملک، سہیل تنویر اور عماد وسیم شامل ہیں۔ پاکستانی کھلاڑیوں نے کریبین لیگ کی انتظامیہ کے رویئے پر افسوس کا اظہار کرتے ہوئے کہا ہے کہ کریبین لیگ انتظامیہ نے آئی پی ایل میں شامل کھلاڑیوں کو کریبین لیگ کا حصہ بنا کر پاکستانی کھلاڑیوں کے ساتھ نا انصافی کی ہے۔