لاہور (نیوزڈیسک)سری لنکا کیخلاف ون ڈے سیریز کیلئے قومی کرکٹ ٹیم کے سات کھلاڑی سری لنکا روانہ ہوگئے۔ون ڈے ٹیم کے کھلاڑیوں میں مختار احمد،بلال آصف،عماد وسیم،محمد عرفان،انور علی،بابر اعظم اور شعیب ملک شامل ہیں۔قومی کرکٹ ٹیم کے ساتوں کھلاڑی سری لنکا میں ٹیم کو جوائن کریں گے۔ دونوں ٹیموں کے درمیان پانچ میچوں پر مشتمل سیریز کا پہلا ون ڈے میچ گیارہ جولائی کو کھیلا جائےگا۔معروف ٹینس سٹار اور شعیب ملک کی اہلیہ ثانیہ مرزا نے شعیب ملک کی پاکستان کی قومی ٹیم میں واپسی پر خوشی کا اظہار کیا ہے انہوں نے اس امید کا اظہار کیا کہ شعیب ملک شاندار کارکردگی کا مظاہرہ کرکے شائقین کرکٹ کے دل جیت لیںگے۔