ﺧﺎﺗﻮﻥ ﺳﮯ ﮨﻮﺍﺋﯽ ﺍﮈﮮ ﭘﺮ ﺟﮩﺎﺯ ﮐﮯ ﺍﻧﺘﻈﺎﺭ ﻣﯿﮟ ﻭﻗﺖ ﮨﯽ ﻧﮩﯿﮟ ﮐﭧ ﭘﺎ ﺭﮨﺎ ﺗﮭﺎ۔ کچھ ﺳﻮﭺ ﮐﺮ ﺩﮐﺎﻥ ﺳﮯ ﺟﺎ ﮐﺮ ﻭﻗﺖ ﮔﺰﺍﺭﯼ ﮐﯿﻠﺌﮯ ﺍﯾﮏ ﮐﺘﺎﺏ ﺍﻭﺭ ﮐﮭﺎﻧﮯ ﮐﯿﻠﺌﮯ ﺑﺴﮑﭧ ﮐﺎ ﮈﺑﮧ ﺧﺮﯾﺪﺍ۔ ﻭﺍﭘﺲ ﺍﻧﺘﻈﺎﺭ ﮔﺎﮦ ﻣﯿﮟ ﺟﺎ ﮐﺮ ﮐﺘﺎﺏ ﭘﮍﮬﻨﺎ ﺷﺮﻭﻉ ﮐﯽ۔ ﺍﺱ ﻋﻮﺭﺕ ﮐﮯ ﺳﺎتھ ﮨﯽ ﺩﻭﺳﺮﯼ ﮐﺮﺳﯽ ﭘﺮ ﺍﯾﮏ ﺍﻭﺭ ﻣﺴﺎﻓﺮ ﺑﯿﭩﮭﺎ ﮐﺴﯽ ﮐﺘﺎﺏ ﮐﺎ ﻣﻄﺎﻟﻌﮧ ﮐﺮ ﺭﮨﺎ ﺗﮭﺎ۔
ﺍﻥ ﺩﻭﻧﻮﮞ ﮐﮯ ﺩﺭﻣﯿﺎﻥ ﻣﯿﮟ ﻟﮕﯽ ﻣﯿﺰ ﭘﺮ ﺭﮐﮭﮯ ﺑﺴﮑﭧ ﮐﮯ ﮈﺑﮯ ﺳﮯ ﺟﺐ ﺧﺎﺗﻮﻥ ﻧﮯ ﺑﺴﮑﭧ ﺍﭨﮭﺎﻧﮯ ﮐﯿﻠﺌﮯ ﮨﺎتھ ﺑﮍﮬﺎﯾﺎ ﺗﻮ ﺍﺳﮯ ﯾﮧ ﺩیکھ ﮐﺮ ﺑﮩﺖ ﺣﯿﺮﺕ ﮨﻮﺋﯽ ﮐﮧ ﺍﺱ ﺳﺎتھ ﺑﯿﭩﮭﮯ ﻣﺴﺎﻓﺮ ﻧﮯ ﺑﮭﯽ ﺍﺱ ﮈﺑﮯ ﺳﮯ ﺍﯾﮏ ﺑﺴﮑﭧ ﺍﭨﮭﺎ ﻟﯿﺎ ﺗﮭﺎ۔ ﺧﺎﺗﻮﻥ ﮐﺎ ﻏﺼﮯ ﮐﮯ ﻣﺎﺭﮮ ﺑﺮﺍ ﺣﺎﻝ ﮨﻮ ﺭﮨﺎ ﺗﮭﺎ۔ ﺍﺱ ﮐﺎ ﺑﺲ ﻧﮩﯿﮟ ﭼﻞ ﺭﮨﺎ ﺗﮭﺎ ﻭﺭﻧﮧ ﺗﻮ ﻭﮦ ﺍُﺱ ﮐﮯ ﻣﻨﮧ ﭘﺮ ﺍﺱ ﺑﮯ ﺫﻭﻗﯽ ﺍﻭﺭ ﺑﮯ ﺍﺩﺑﯽ ﮐﯿﻠﺌﮯ ﺗﮭﭙﮍ ﺗﮏ ﻣﺎﺭﻧﮯ ﮐﺎ ﺳﻮﭺ ﺭﮨﯽ ﺗﮭﯽ۔ ﺍﺱ ﮐﯽ ﺣﯿﺮﺕ ﺍﺱ ﻭﻗﺖ ﺩﻭ ﭼﻨﺪ ﮨﻮﮔﺌﯽ ﺟﺐ ﺍﺱ ﻧﮯ ﺩﯾﮑﮭﺎ ﮐﮧ ﺟﯿﺴﮯ ﮨﯽ ﻭﮦ ﮈﺑﮯ ﺳﮯ ﺍﯾﮏ ﺑﺴﮑﭧ ﺍﭨﮭﺎﺗﯽ ﻭﮦ ﻣﺴﺎﻓﺮ ﺑﮭﯽ ﺍﯾﮏ ﺑﺴﮑﭧ ﺍﭨﮭﺎ ﻟﯿﺘﺎ۔ ﻏﺼﮯ ﺳﮯ ﺑﮯ ﺣﺎﻝ ﻭﮦ ﺍﭘﻨﯽ ﺟﮭﻨﺠﮭﻼﮨﭧ ﭘﺮ ﺑﻤﺸﮑﻞ ﻗﺎﺑﻮ ﺭکھ ﭘﺎ ﺭﮨﯽ ﺗﮭﯽ۔ ﺟﺐ ﮈﺑﮯ ﻣﯿﮟ ﺁﺧﺮﯼ ﺑﺴﮑﭧ ﺁﻥ ﺑﭽﺎ ﺗﻮ ﺍﺏ ﺍﺱ ﮐﮯ ﺩﻝ ﻣﯿﮟ ﯾﮧ ﺑﺎﺕ ﺟﺎﻧﻨﮯ ﮐﯽ ﺷﺪﯾﺪ ﺣﺴﺮﺕ ﺗﮭﯽ ﮐﮧ ﺍﺏ ﯾﮧ ﺑﺪ ﺗﻤﯿﺰ ﺍﻭﺭ ﺑﺪ ﺍﺧﻼﻕ ﺷﺨﺺ ﮐﯿﺎ ﮐﺮﮮ ﮔﺎ۔ ﮐﯿﺎ ﻭﮦ ﺍﺏ ﺑﮭﯽ ﺍﺱ ﺁﺧﺮﯼ ﺑﺴﮑﭧ ﮐﯽ ﻃﺮﻑ ﮨﺎتھ ﺑﮍﮬﺎﺋﮯ ﮔﺎ ﯾﺎ ﯾﮧ ﺁﺧﺮﯼ ﺑﺴﮑﭧ ﺍﺱ ﮐﯿﻠﺌﮯ ﺭکھ ﭼﮭﻮﮌﮮ ﮔﺎ ۔۔؟ ﺗﺎﮨﻢ ﺍﺱ ﮐﯽ ﺣﯿﺮﺕ ﺍﭘﻨﮯ ﻋﺮﻭﺝ ﭘﺮ ﺟﺎ ﭘﮩﻨﭽﯽ ﺟﺐ ﻣﺴﺎﻓﺮ ﻧﮯ ﺍﺱ ﺁﺧﺮﯼ ﺑﺴﮑﭧ ﮐﻮ ﺩﻭ ﺣﺼﻮﮞ ﻣﯿﮟ ﺗﻘﺴﯿﻢ ﮐﺮ ﮐﮯ ﺁﺩﮬﺎ ﺧﻮﺩ ﺍﭨﮭﺎ ﻟﯿﺎ ﺍﻭﺭ ﺁﺩﮬﺎ ﺍﺱ ﮐﯿﻠﺌﮯ ﭼﮭﻮﮌ ﺩﯾﺎ ﺗﮭﺎ۔ ﺧﺎﺗﻮﻥ ﮐﯿﻠﺌﮯ ﺍﺱ ﺳﮯ ﺑﮍﮪ ﮐﺮ ﺍﮨﺎﻧﺖ ﮐﯽ ﮔﻨﺠﺎﺋﺶ ﻧﮩﯿﮟ ﺭﮨﺘﯽ ﺗﮭﯽ۔ ﺁﺩﮬﮯ ﺑﺴﮑﭧ ﮐﻮ ﻭﮨﯿﮟ ﮈﺑﮯ ﻣﯿﮟ ﭼﮭﻮﮌ ﮐﺮ، ﮐﺘﺎﺏ ﮐﻮ ﺑﻨﺪ ﮐﺮﺗﮯ ﮨﻮﺋﮯ، ﺍٹھ ﮐﺮ ﻏﺼﮯ ﺳﮯ ﭘﺎﺅﮞ ﭘﭩﺨﺘﯽ ﺍﻣﯿﮕﺮﯾﺸﻦ ﺳﮯ ﮨﻮﺗﯽ ﮨﻮﺋﯽ ﺟﮩﺎﺯ ﮐﯽ ﻃﺮﻑ ﭼﻞ ﭘﮍﯼ۔
ﺟﮩﺎﺯ ﻣﯿﮟ ﮐﺮﺳﯽ ﭘﺮ بیٹھ ﮐﺮ ﺍﭘﻨﮯ ﺩﺳﺘﯽ ﺗﮭﯿﻠﮯ ﻣﯿﮟ ﺳﮯ ﻋﯿﻨﮏ ﻧﮑﺎﻟﻨﮯ ﮐﯿﻠﺌﮯ ﮐﮭﻮﻻ ﺗﻮ ﯾﮧ ﺩیکھ ﮐﺮ ﺣﯿﺮﺕ ﺳﮯ ﺍﺱ ﮐﯽ ﺟﺎﻥ ﮨﯽ ﻧﮑﻞ ﮔﺌﯽ ﮐﮧ ﺍﺱ ﮐﺎ ﺧﺮﯾﺪﺍ ﮨﻮﺍ ﺑﺴﮑﭧ ﮐﺎ ﮈﺑﮧ ﺗﻮ ﺟﻮﮞ ﮐﺎ ﺗﻮﮞ ﺗﮭﯿﻠﮯ ﻣﯿﮟ ﺑﻨﺪ ﺭﮐﮭﺎ ﮨﻮﺍ ﺗﮭﺎ۔ ﻧﺪﺍﻣﺖ ﺍﻭﺭ ﺷﺮﻣﻨﺪﮔﯽ ﺳﮯ ﺍﺱ ﮐﺎ ﺑﺮﺍ ﺣﺎﻝ ﮨﻮ ﺭﮨﺎ ﺗﮭﺎ۔ ﺍﺳﮯ ﺍﺏ ﭘﺘﮧ ﭼﻞ ﺭﮨﺎ ﺗﮭﺎ ﮐﮧ ﻭﮦ ﮨﻮﺍﺋﯽ ﺍﮈﮮ ﭘﺮ ﺑﺴﮑﭧ ﺍﺱ ﺷﺨﺺ ﮐﮯ ﮈﺑﮯ ﺳﮯ ﻧﮑﺎﻝ ﮐﺮ ﮐﮭﺎﺗﯽ ﺭﮨﯽ ﺗﮭﯽ۔
ﺍﺏ ﺩﯾﺮ ﺳﮯ ﺍﺳﮯ ﻣﺤﺴﻮﺱ ﮨﻮ ﺭﮨﺎ ﺗﮭﺎ ﮐﮧ ﻭﮦ ﺷﺨﺺ ﮐﺲ ﻗﺪﺭ ﺍﯾﮏ ﻣﮩﺬﺏ ﺍﻭﺭ ﺭﺣﻤﺪﻝ ﺍﻧﺴﺎﻥ ﺗﮭﺎ۔ ﺟﺲ ﻧﮯ ﮐﺴﯽ ﺷﮑﻮﮮ ﺍﻭﺭ ﮨﭽﮑﭽﺎﮨﭧ ﮐﮯ ﺑﻐﯿﺮ ﺍﭘﻨﮯ ﮈﺑﮯ ﺳﮯ ﺍﺳﮯ ﺑﺴﮑﭧ ﮐﮭﺎﻧﮯ ﮐﻮ ﺩﯾﺌﮯ ﺗﮭﮯ۔ ﻭﮦ ﺟﺲ ﻗﺪﺭ ﺍﺱ ﻣﻮﺿﻮﻉ ﭘﺮ ﺳﻮﭼﺘﯽ ﺍﺳﯽ ﻗﺪﺭ ﺷﺮﻣﺪﻧﮕﯽ ﺍﻭﺭ ﺧﺠﺎﻟﺖ ﺑﮍﮬﺘﯽ ﺟﺎ ﺭﮨﯽ ﺗﮭﯽ۔ ﺍﺱ ﺷﺮﻣﻨﺪﮔﯽ ﺍﻭﺭ ﺧﺠﺎﻟﺖ ﮐﺎ ﺍﺏ ﻣﺪﺍﻭﺍ ﮐﯿﺎ ﮨﻮ ﺳﮑﺘﺎ ﺗﮭﺎ۔ ﺍﺱ ﮐﮯ ﭘﺎﺱ ﺗﻮ ﺍﺗﻨﺎ ﻭﻗﺖ ﻧﮧ ﺗﮭﺎ ﮐﮧ ﺟﺎ ﮐﺮ ﺍﺱ ﺁﺩﻣﯽ ﮐﻮ ﮈﮬﻮﻧﮉﮬﮯ،
ﺍﺱ ﺳﮯ ﻣﻌﺬﺭﺕ ﮐﺮﮮ، ﺍﭘﻨﯽ ﺑﮯ ﺫﻭﻗﯽ ﺍﻭﺭ ﺑﮯ ﺍﺩﺑﯽ ﮐﯽ ﻣﻌﺎﻓﯽ ﻣﺎﻧﮕﮯ، ﯾﺎ ﺍﺱ ﮐﯽ ﺍﻋﻠٰﯽ ﻗﺪﺭﯼ ﮐﺎ ﺷﮑﺮﯾﮧ ﺍﺩﺍ ﮐﺮﮮ۔ ﺍﺳﯽ ﻟﯿﮯ ﮐﮩﺘﮯ ﮨﯿﮟ ﮐﮧ ﮐﺴﯽ ﮐﮯ ﺑﺎﺭﮮ ﻣﯿﮟ ﺭﺍﺋﮯ ﻗﺎﺋﻢ ﮐﺮﻧﮯ ﻣﯿﮟ ﺟﻠﺪﯼ ﻧﮩﯿﮟ ﮐﺮﻧﯽ ﭼﺎﮨﯿﮯ۔ ﮐﯿﻮﻧﮑﮧ ﺿﺮﻭﺭﯼ ﻧﮩﯿﮟ ﮐﮧ ﺁﭖ ﮐﯽ ﻗﺎﺋﻢ ﮐﯽ ﮨﻮﺋﯽ ﺭﺍﺋﮯ ﮨﯽ ﭨﮭﯿﮏ ﮨﻮ۔
