تہران(این این آئی)ایران کے صوبہ خراسان میں موسلادھار بارشوں کے کے بعد آنے والے سیلاب کے نتیجے میں4 افراد جاں بحق ہو گئے۔ایرانی میڈیا کے مطابق خراسان گورنر دفتر ہنگامی حالات انتظامیہ کے سربراہ غلام رضا شفیق نے علاقے میں موسلا دھار بارشوں کے بعد آنے والا سیلابی ریلاجانی و مالی نقصان کا سبب بنا ہے۔انہوں نے بتایا کہ فروج شہر کے دیہاتوں میں شروع کئے گئے امدادی کاموں کے دوران 2 افراد کی لاشیں ملی ہیں ، شیروان شہر کے گائوں گولیان میں بھی گاڑی میں سوار 2 افراد سیلابی ریلے کے لپیٹ میں آ کر جاں بحق ہو گئے ہیں مزید براں سیلابی پانی 18 گاڑیاں بھی بہا کر لے گیا ۔انہو ں نے بتایا کہ ہ علاقے میں اورنج الارم جاری کر دیا گیا ہے اور ہلال احمر اور دیگر تمام متعلقہ ادارے چوکس ہو گئے ہیں۔