ممبئی ( این این آئی) بھارت کے فاسٹ بولر محمد سراج سے کرپشن کے لیے رابطہ کیا گیا۔میڈیا رپورٹس کے مطابق فاسٹ بولر محمد سراج نے کرپٹ رابطوں کی رپورٹ بورڈ کو کر دی۔محمد سراج نے رابطوں کے بارے میں بی سی سی آئی کے انٹی کرپشن یونٹ کو بتایا۔میڈیا رپورٹس کے مطابق جوئے میں ایک بڑی رقم ہارنے والا شخص ٹیم کی اندرونی معلومات جانا چاہتا تھا۔محمد سراج سے رابطہ مارچ میں بھارت اور آسٹریلیا ون ڈے سیریز کے دوران کیا گیا۔اس حوالے سے بھارتی بورڈ آفیشل کا کہنا ہے کہ رابطے کرنے والا بکی نہیں تھا بلکہ حیدر آباد سے تعلق رکھنے والا جوئے کا عادی ڈرائیور تھا۔بورڈ آفیشل نے کہا کہ محمد سراج نے فوری طور پر بورڈ کو رابطے کے بارے بتایا۔

موضوعات:محمد سراج