اسلام آباد (مانیٹرنگ ڈیسک) 13 سال بعد سعودی عرب سے واپس پاکستان آنے والے شہری کو ڈاکوئوں نے لوٹ لیا، اسلام آباد کے تھانہ بہارہ کہو کے علاقے میں ڈاکوئوں نے سعودی پلٹ شہری سے 14 ہزار ریال لوٹ لیے۔ متاثرہ شہری نے تھانہ بہارہ کہو میں درخواست دائر کر دی ہے، ابتدائی بیان میں متاثرہ شہری نے بتایا کہ ڈاکوئوں نے واردات میں خود کو پولیس اہلکار ظاہر کیا۔ شہری کی طرف سے جمع کرائی گئی درخواست کے مطابق ڈاکو پاسپورٹ، گھڑی،موبائل فون بھی لے گئے، بچوں کے لیے عید کا سامان لایا ہوا تھا وہ بھی ڈاکو اپنے ساتھ لے گئے۔

موضوعات:شہری