لاہور( این این آئی ) پنجاب حکومت نے عیدالفطرکے موقع پر 5تعطیلات کا نوٹیفکیشن جاری کردیا۔تعطیلات 21اپریل بروز جمعہ سے 25اپریل بروز منگل تک ہوں گی ۔ اس سلسلہ میں باضابطہ نوٹیفکیشن جاری کر دیا گیا ۔ دوسری جانب وفاقی حکومت نے ملک بھر میں عید الفطر 2023 کی 5 روزہ تعطیلات کا اعلان کر دیا۔کابینہ ڈویژن کی جانب سے جاری نوٹی فکیشن کے مطابق وزیراعظم پاکستان شہباز شریف نے عیدالفطر کی 5 چھٹیوں کی منظوری دی۔جاری نوٹیفکیشن کے مطابق 21 اپریل بروز جمعہ سے 25 اپریل بروز منگل تک عید الفطر کے پیش نظر ملک بھر میں عام تعطیل ہوگی۔خیال رہے کہ میڈیا رپورٹس کے مطابق ماہرین فلکیات اور رویت ہلال ریسرچ کونسل نے پیش گوئی کی ہے کہ رواں سال پاکستان میں رمضان المبارک کے پورے 30 روزے ہوں گے جس کے بعد عید الفطر 22 اپریل بروز ہفتہ منائی جائے گی۔