نئی دہلی (این این آئی)بھارتی فضائیہ کا گروپ کیپٹن اپنی ہی قیادت کے بلنڈر کی بھینٹ چڑھ گیا،پاکستان کا آپریشن سوفٹ رٹارٹ کے دوران بھارتی MI-17 ہیلی کاپٹر گرائے جانے کا دعویٰ ’’سچ ثابت‘‘ہوا۔ میڈیا رپورٹ کے مطابق بھارتی فضائیہ کے گروپ کیپٹن سمن رائے چوہدری کی کورٹ مارشل رپورٹ نے بھانڈہ پھوڑ دیا،گروپ کیپٹن سمن رائے چوہدری اور ونگ کمانڈر شیام نیتھانی نے

پاک فضائیہ کی جوابی کاروائی کے دوران ’’گھبراہٹ‘‘میں اپنا ہی ہیلی کاپٹر مار گرایا تھا،بھارتی فضائیہ کی طرف سے گروپ کیپٹن سمن رائے چوہدری کو’’کورٹ مارشل‘‘اور ونگ کمانڈر شیام نیتھانی کوSevere Reprimandکی سزا سنا دی گئی،ہیلی کاپٹر گرائے جانے کے نتیجے میں بھارتی ائرفورس کے 6 اہلکار سمیت 7 افراد ہلاک ہوئے تھے ،گروپ کیپٹن سمن رائے چوہدری پر حکم عدولی کرنے اور بد حواسی میں میزائیل یونٹ کو اپنا ہی ہیلی کاپٹر مار گرانے پر کورٹ مارشل کیا گیا۔ رپورٹ کے مطابق گھبراہٹ اور پریشانی کے عالم میں دئیے گئے احکامات سے بھارتی فضائیہ کو 133.3 کروڑ کا نقصان پہنچا۔ رپورٹ کے مطابق پاکستان کی انٹیلی جنس ایجنسیوں نے اْسی وقت بھارتی بلنڈر کا بھانڈا پھوڑا دیا تھا جسے بھارت نے مسترد کرتے ہوئے اسے من گھڑت اور جھوٹ قرار دیا تھا،گروپ کیپٹن سمن رائے چوہدری اور ونگ کمانڈر شایام نتھانی کی سزا نے پاکستانی دعوے کی تصدیق کر دی،آئے روز کے سکینڈلز نے بھارتی افواج کی ساکھ اور عزت خاک میں ملا دی،آپریشن سوفٹ رٹارٹ کی ہزیمت کو چھپانے کیلئے ونگ کمانڈر ابھی نندن کو ویر چکرا کا اعزاز بھی دیا گیا تھا۔ بھارتی عوام نے سوال اٹھایاکہ کیا سکینڈلز زدہ بھارتی فوج ایک پیشہ ورانہ فوج کہلانے کی مستحق ہے، جو مسلسل اپنی عوام کی آنکھوں میں دھول جھونکتی رہی ہے۔