اسلام آباد (این این آئی)نیپرا نے رواں مالی سال کی دوسری سہ ماہی ایڈجسٹمنٹ کی مد میں بجلی صارفین پر 15ارب 45کروڑ سے زائد بوجھ ڈالنے کی منظوری دے دی۔تفصیلات کے مطابق نیپرا نے رواں مالی سال کی دوسری سہ ماہی ایڈجسٹمنٹ کی مد میں بجلی مزید مہنگی کرنے کی منظوری دے دی ہے۔نیپرا نے اکتوبر تا دسمبر2022کی سہ ماہی ایڈجسٹمنٹ کی مد میں بجلی 46 پیسے فی یونٹ مہنگی کرنے کی منظوری دی ،یہ اضافی وصولیاں اپریل سے جون کے دوران کی جائینگی۔نیپرا نے فیصلہ نوٹیفکیشن کیلئے وفاقی حکومت کو بھجوادیا ہے، فیصلے سے صارفین پر 15ارب 45کروڑ 40 لاکھ روپے کا اضافی بوجھ پڑے گا، تاہم کراچی والوں کیلئے بجلی کی قیمت میں اضافے کا اطلاق نہیں ہوگا۔