عمران پیرانوئڈ ڈلیوژن کا شکار ہیں جس میں آدمی کو ہرجگہ سازش نظر آتی ہے، حسین حقانی

نیویارک (این این آئی)سابق سفیر حسین حقانی نے کہا ہے کہ عمران خان پیرانوئڈ ڈلیوژن کا شکار ہیں جس میں آدمی یہ سمجھتا ہے کہ ہر شخص اس کے خلاف سازش کر رہا ہے۔ایک انٹرویومیں عمران خان کی طرف سے اپنے خلاف سازش کے الزامات پر حسین حقانی نے جواب دیتے ہوئے کہا کہ عمران خان نے 25 سال میں اپنا اینٹی امریکا امیج بنایا، امریکا کو یہ بتانے کے لیے کسی حسین حقانی کی ضرورت نہیں کہ عمران خان اینٹی امریکا ہیں۔انہوں نے کہا کہ ڈونلڈ لو ہی نہیں امریکا میں بہت سے افراد سے میرے اچھے تعلقات ہیں، میرا مؤقف وہی ہے جو میں اپنی تحریروں میں لکھتا ہوں کہ پاکستان میں فوج سیاست میں مداخلت نہ کرے۔حسین حقانی نے کہاکہ شیریں مزاری کو تو اپنے گھر کی مکھیوں اور مچھروں میں بھی امریکی سازش نظر آتی ہے۔سابق سفیر نے کہا کہ اگر کوئی مجھے ادائیگی کرتا ہے تو میری ریسرچ اور میرے مؤقف کے لیے کرتا ہے، میرا موقف بدلنے کے لیے نہیں کرتا۔

موضوعات:حسین حقانی