نئی دہلی(این این آئی)بھارت کے تین عہدے داروں نے واضح کیا ہے کہ برطانیہ کے ساتھ تجارتی مذاکرات معطل نہیں کیے گئے اور یہ اس سال بھی جاری رہیں گے۔میڈیارپورٹس کے مطابق بھارتی وزارتِ خارجہ کے ایک عہدہ دارنے کہا کہ تجارتی مذاکرات میں پیش رفت اور برطانیہ میں سکھ علیحدگی پسندوں کی سرگرمیوں کے بارے میں نئی دہلی کے خدشات کو ایک دوسرے سے منسلک نہیں کیا جانا چاہیے۔نئی دہلی میں برطانوی ہائی کمیشن کے ایک سفارتی عہدہ دارنے کہا کہ تجارتی مذاکرات طے شدہ انداز میں جاری رہیں گے۔لندن میں سکیورٹی حکام برطانیہ میں سکھ علیحدگی پسند سرگرمیوں کے بارے میں بھارت کے خدشات کو دورکرنے کی کوشش کررہے ہیں۔

موضوعات:تجارت