نئی دہلی (این این آئی)بھارتی کرکٹر سریش رائنا نے انکشاف کیا ہے کہ وہ گھر کا سارا کام کرتے ہیں، اور یہ عالمی وبا کورونا وائرس کے دوران لاک ڈاؤن میں انہوں نے سیکھا تھا۔بھارت کے مقبول کامیڈی شو دی کپل شرماشو کا حالیہ پرومو سامنے آیا جس میں بھارتی کرکٹر دیپک چہر اور ان کی اہلیہ جیا،
سریش رائنا اور اہلیہ پریانکا اور آکاش چوپڑا نے اہلیہ آکشی ماتھور کے ساتھ شرکت کی۔دوران شو کپل نے سوال کیا کہ تینوں کرکٹرز گھر میں اہلیہ کے ساتھ کام کاج میں کتنا ہاتھ بٹاتے ہیں؟جواب میں سریش رائنا کی اہلیہ کے جواب نے مداحوں سمیت میزبان کپل کو بھی حیران کردیا۔پریانکا نے کہا کہ سریش گھر کا سارا کام کرتے ہیں’، جواب میں سابق کرکٹر نے تصدیق کی اور کہا کہ پا جی کھانا ایک گھنٹے میں بنتا ہے مگر اس کھانے میں پیار ہو۔رائنا نے کہا کہ پا جی لاک ڈاؤن میں سب نے سیکھ لیا نا، تو دو سال میں جو سیکھنے کو ملا اس سے کوئی مدد تو ہو، پارٹنر شپ ہونا بہت ضروری ہے۔سابق کرکٹر کا جواب سن کر ساتھ سمیت کپل بھی قہقہہ لگانے پر مجبور ہوگئے، آکاش چوپڑا نے سریش رائنا سے کہا کہ بھائی صاحب اپنا اپنا کھانا بنا لو، ہمارا کیوں بنا رہے ہو۔دوسری جانب دیپک چہر کی اہلیہ جیا نے بھی ایک قصہ سنایا اور کہا کہ میں جب دیپک کے گھر پہلی بار گئی تو ان کے والد نے مجھے خود کھانا بنا کر اپنے ہاتھ سے کھلایا تھا۔جواب میں کپل نے کہا کہ آپ کو آئیڈیا ہوگیا ہوگا کہ آگے سے بیٹا بھی ایسا ہی ہوگا۔
