حکومت کا سپریم جوڈیشل کونسل، توہین عدالت قانون میں تبدیلی کافیصلہ

اسلام آباد (مانیٹرنگ ڈیسک) وفاقی حکومت نے پی ڈی ایم کے پلیٹ فارم سے پارلیمان کی بالادستی کا بیانیہ آگے بڑھانے کا فیصلہ کیا ہے جبکہ دوسری طرف حکومت سپریم جوڈیشل کونسل اور توہین عدالت قانون میں

تبدیلی کی تجویز پر غور کر رہی ہے، روزنامہ جنگ میں عاصم جاوید کی خبر کے مطابق ذرائع کا کہنا ہے کہ حکومت میں شامل تمام سیاسی جماعتوں میں عدالتی نظام کی تبدیلیوں پر اتفاق پایا گیاہے، مشاورت کے بعد توہین عدالت کے قانون میں ترمیم کا مسودہ تیار کر لیا ہے کسی بھی جج کے خلاف جوڈیشل کونسل کی کارروائی اور تحقیقاتی رپورٹ کو پارلیمان میں پیش کیا جانا ضروری ہو گا توقع ظاہر کی جا رہی ہے اس حوالے سے آئندہ چند روز میں اہم پیشرفت ہو گی، ذرائع کے مطابق حکومتی اتحاد کے تمام بڑے سیاسی کھلاڑیوں اور پی ڈی ایم میں شامل دیگر قیادت کی مشاورت کے بعد وفاقی حکومت نے عدالتی اصلاحات سے متعلق اہم اقدامات اٹھانے کا فیصلہ کر لیا ہے۔