کراچی (مانیٹرنگ ڈیسک) کیماڑی سے تعلق رکھنے 14 سالہ امیر حمزہ پنجری نے بڑا اعزاز اپنے نام کرکے پوری دنیا میں پاکستان کا نام روشن کر دیا، امیر حمزہ کے والد مچھلی کا کام کرتے ہیں، جس نے ورلڈ اسکالر کپ میں 7 انٹرنیشنل میڈل اپنے نام کرکے ملک کا نام روشن کر دیا۔نجی ٹی وی کے مطابق امیر حمزہ نے ورلڈ اسکالر کپ میں تحریری اور تقریری مقابلے میں 4 سونے اور 3 چاندی کے تمغے جیتے۔ اس مقابلے کا انعقاد آذربائیجان میں ہوا تھا اوریہ ایک انٹرنیشنل تعلیمی ٹیم پروگرام ہے جس میں ہر سال دنیا بھر سے ہزاروں بچے حصہ لیتے ہیں۔امیر حمزہ کا کہنا تھا کہ یہ کامیابی اپنے والدین اور محنت کے باعث ملی، میں اکیلا سفر کیلئے تیار نہیں تھا مگر میرے والد نے مجھے اس کے لئے راضی کیا۔