اسلام آباد (این این آئی)حکومتی اتحادی جے یو آئی اپنی ہی حکومت پر برہم ہوگئی ،مہنگائی کے خلاف جے یو آئی کا توجہ دلاونوٹس قومی اسمبلی میں پیش کر دیا ۔ رکن جے یو آئی عالیہ کامران نے کہاکہ حکومت اور اس کے ادارے مہنگائی کنٹرول کرنے میں بڑی حد تک ناکام ہوگئے ہیں ،حکومت نے جواب دے دیا کہ مہنگائی صوبائی حکومتوں کا معاملہ ہے ،صوبائی حکومتوں میں تو وفاقی حکومت کچھ نہیں کرسکتی تو اسلام آباد میں ہی مہنگائی کنٹرول کرکے دکھا دے ۔ وفاقی وزیر پارلیمانی امور مرتضیٰ جاوید عباس یے کہاکہ جہاں ناجائز منافع خوری ہورہی ہے نشاندہی کریں ایکشن کریں گے ،وزیر اعظم شہبازشریف سستا آٹا تقسیم کروارہے ہیں ،حکومت کا مہنگائی کنٹرول کرنے میں ناکام ہوجانا غلط تاثر ہے ۔