اسلام آباد(مانیٹرنگ، این این آئی)حکومت نے رواں برس کے لیے زکواۃ کا نصاب کردیا، سیونگ اکاؤنٹ میں کم از کم ایک لاکھ تین ہزار روپے رکھنے والوں سے ہی زکواۃ منہا کی جائے گی۔میڈیا رپورٹ کے مطابق وزارت برائے تخفیف غربت و سماجی تحفظ نے سال 2023ء کیلئے زکوٰۃ کا نصاب جاری کردیا
اور اس حوالے سے نوٹی فکیشن جاری کردیا گیا ہے۔وزات کے جاری کردہ نوٹی فکیشن کے مطابق سیونگ اکاؤنٹ میں کم از کم ایک لاکھ تین ہزار روپے رکھنے والے صارفین سے زکواۃ کی کٹوتی ہوگی اس سے کم رقم رکھنے والے افراد زکواۃ کٹوتی سے مستثنیٰ ہوں گے۔جامعہ نعیمیہ لاہور نے کچھ روز قبل صدقہ فطر اور فدیہ کے بارے اعلان کیا تھا ان کے مطابق گندم استعمال کرنے والوں کو صدقہ فطر 300 روپے فی کس اداکرنا ہوگا جبکہ جو کے حساب سے یہ شرح 450 روپے، کھجورکے تناسب سے 1600 روپے، کشمش کے مطابق 2500 روپے اور منقیٰ کے حساب سے 5 ہزار روپے اداکرنا ہوں گے۔اسی طرح 30 روزوں کا فدیہ گندم کے تناسب سے 9 ہزار روپے، جو کے حساب سے 13 ہزار500 روپے، کھجورکے مطابق 48 ہزارروپے، کشمش کے حساب سے 75 ہزار جبکہ منقی کے حساب سے ڈیڑھ لاکھ روپے ادا کرنا ہوگا۔
